၂၄.၇.၂၀၂၄ ရက်နေ့တွင် အစိုးရစက်မှုလက်မှုသိပ္ပံ(သန်လျင်)၌ “လူငယ်နှင့် ကျင့်ဝတ်စံနှုန်းများ” ခေါင်းစဉ်ဖြင့် လူငယ်စကားဝိုင်းဟောပြောပွဲ ကျင်းပပြုလုပ်ခဲ့ရာ အဂတိလိုက်စားမှုတိုက်ဖျက်ရေးကော်မရှင်မှ တာဝန်ရှိသူများ၊ အစိုးရစက်မှုလက်မှုသိပ္ပံ(သန်လျင်)မှ ကျောင်းအုပ်ကြီး၊ ဒုတိယကျောင်းအုပ်ကြီး၊ ဆရာဆရာမများနှင့် ကျောင်းသားကျောင်းသူများမှ တက်ရောက်ခဲ့ကြပါသည်။
အခမ်းအနားတွင် အဂတိလိုက်စားမှုတိုက်ဖျက်ရေးကော်မရှင်အဖွဲ့ဝင် ဦးဝင်းတင်မှ ကျောင်းသားကျောင်းသူလူငယ်များအား ရိုးသားဖြောင့်မတ်၍ အကျင့်စာရိတ္တ ကောင်းမွန်သောလူငယ်များဖြစ်စေရေး၊ အဂတိလိုက်စားမှုကင်းစင်ရေးတို့အတွက် အဖွင့်အမှာစကားပြောကြားခဲ့ပါသည်။
![](http://www.gtithanlyin.edu.mm/wp-content/uploads/2024/07/IMG_20240724_102837-1024x576.jpg)
ထို့နောက် ကျောင်းသားကျောင်းသူ ၄ဦးမှ “လူငယ်နှင့် ကျင့်ဝတ်စံနှုန်းများ” အကြောင်း ဟောပြောဆွေးနွေးခဲ့ကြပြီး တက်ရောက်လာသော ကျောင်းသားကျောင်းသူများက သိရှိလိုသည်များကို မေးမြန်းဆွေးနွေးခဲ့ကြပါသည်။
![](http://www.gtithanlyin.edu.mm/wp-content/uploads/2024/07/IMG_20240724_103329-1024x576.jpg)
အခမ်းအနားအဆုံးတွင် ကျောင်းအုပ်ဆရာကြီးဒေါက်တာကျော်ခိုင်ခိုင်အောင်မှ နိဂုံးချုပ်အမှာစကားနှင့် တက်ရောက်လာသောတာဝန်ရှိသူများအား ကျေးဇူးတင်စကား ပြောကြားခဲ့ပြီး အဂတိလိုက်စားမှုတိုက်ဖျက်ရေးကော်မရှင်မှ အဖွဲ့ဝင်ဦးဝင်းတင်နှင့် တာဝန်ရှိသူများ၊ ဆရာဆရာမများ၊ ကျောင်းသားကျောင်းသူများနှင့်အတူ မှတ်တမ်းတင်ဓာတ်ပုံရိုက်ကူးခဲ့ကြပါသည်။
![](http://www.gtithanlyin.edu.mm/wp-content/uploads/2024/07/IMG_20240724_111024-1024x576.jpg)
Average Rating